13 кіламетраў па Варшаве на роварах у гонар генерала Булак-Балаховіча. Арганізацыя Беларуская Нацыянальная Памяць зладзіла роварны рэйд памяці беларускага ваеннага дзеяча.
Ініцыятарам велапрабегу выступіў старшыня Беларускай Нацыянальнай Памяці Анатоль Міхнавец.
- Пачнем тут ад помніка дэ Голя з цэнтру Варшавы і паедзем на тое месца, дзе ён загінуў. Вуліца Парыжская. Там была ягоная канспіратыўная кватэра і там Булак-Балаховіч загінуў у баю з немцамі 10 мая 1940 года. Мы наведаем тое месца, там ёсць памятная шыльда. А паздней мы плануем заехаць на Палонскія могілкі вайсковыя, дзе ёсць сімвалічная магіла генерала Булак-Балаховіча.
Нешматлікія ўдзельнікі рэйду пад бел-чырвона-белымі сцягамі, прымацаванымі да рамаў ровараў, распавялі чаму яны вырашылі паўдзельнічаць у акцыі.
- Я вельмі часта бяру ўдзел у беларускіх мерапрыемствах у Варшаве. Для мяне гэта нейкія маральныя вартасці. Люблю збірацца разам са сваімі роднымі людзьмі.
- Зацікавілася беларускай тэматыкай, хацела больш даведацца пра генерала Булак-Балаховіча.
Акцыя ўшанавання памяці беларускіх змагароў пройдзе і на Беласточчыне - гаворыць Анатоль Міхнавец.
- Гэтым рэйдам мы хочым гэтую памяць замацаваць, прапагандаваць, каб людзі далучаліся, каб ведалі. Братоў Булак-Балаховічаў было два: Станіслаў – старэйшы, а малодшы быў Язэп, якога забілі таксама – у Белавежскай пушчы агенты НКУС. 6 чэрвеня ўгодкі яго смерці. Таксама будзем рабіць такі рэйд – у мінулым годзе рабілі з Гайнаўкі да Белавежы, там ёсць яго магіла. Запрашаем таксама усіх далучыцца.
Булак-Балаховіч, асоба неадназначная і мае неадназначны лёс, які блага даследаваны. Але дакладна вядома тое, што ён быў таленавітым вайскоўцам і змагаўся за вольную Беларусь. У гэтым годзе – гэта 71-я ўгодкі са дня смерці беларускага генерала.
![](https://blogger.googleusercontent.com/img/b/R29vZ2xl/AVvXsEiHg7MW79P3xxJzOTUVc6-sqGxu5YsceY0TmltcYKZzWjiiHdD3bCAjXFnc5aiQPrq4x4FQXV3AAeHsqSkvbr1DYgIOfEXB1o0q8aeTz6eAp1OT1LPdmAlI-Xb_vorce9uuT3S1tGD7C4M/s400/DSC_1292.jpg)
![](https://blogger.googleusercontent.com/img/b/R29vZ2xl/AVvXsEhjpXjYiyZtAeywvtrmQJaMDscDXruRVlnCPSvAxUo-kUNEae356cSBqFX_eqRMXSQ8fqbOOnu3K2-fyOeqPOcvuiOLumxAlxFw-tC_-rDIYO44iX_jYfkRh4XQdQ-C-zo_Z5jvNg7gI8s/s400/DSC_1301.jpg)
![](https://blogger.googleusercontent.com/img/b/R29vZ2xl/AVvXsEhUD66JKxPT6v5eO8ahXVfMRXS6pS5Mu3uTjE62zeiwgEC_iHB8Daj5E-2hd3Kj2ogRufinUeBk9ifoMnOdHKKqYC2q9sDBjAZC0q0cLlXyS5yOZDVf-NiqBmkrfpFS9NBvAw4IArMskew/s400/velaprabeg.jpeg)
1 comment:
Приятно осознавать что наших людей не забывают, и делают напоминание даже жителям не Беларуси. В свою очередь не всякий беларус знае кто такой генерал Булак-Балахович, и в чем заключался его подвиг... Спасибо вам.
Post a Comment