Viva Кастусь!

2 лютага - 175-я ўгодкі з дня нараджэньня вялікага сына беларускага народу і правадыра нацыянальна-вызвольнага паўстаньня 1863 году Кастуся Каліноўскага.

Беларуская Нацыянальная Памяць віншуе ўсіх з гэтай памятнай датай.

малюнак аўтарства Алеся Пушкіна

Лыжны рэйд па мясцінах Каліноўскага

Ахвотных прыняць удзел просім скантактавацца праз наш e-mail: bielarus.np (@) gmail.com

Мапа "Канстанцін Каліноўскі і паўстаньне 1863-1864 гадоў"

Паказаць Канстанцін Каліноўскі і паўстаньне 1863-1864 гадоў на большай мапе

У Вільні адзначылі Дзень памяці Кастуся Каліноўскага

Крыніца

22 сакавіка мерапрыемствы ў межах адзначэння Дня памяці Кастуся Каліноўскага распачаліся а 17-й гадзіне каля памятнага крыжа на Лукішскім пляцы. Перад прысутнымі выступілі вядомыя беларусы: Хведар Нюнька, Алесь Пушкін, Валянцін Голубеў ды іншыя.

Ад памятнага крыжа беларуская грамада, рушыла да месца, дзе кіраўнік паўстання 1863 году Каліноўскі быў пакараны смерцю. Зараз на гэтым месцы знаходзіцца помнік летувісам, якія змагаліся і загінулі за волю Летувы. Каля сімвалічнай Галгофы беларусы ушанавалі памяць беларускіх і летувіскіх паўстанцаў запаліўшы бел-чырвона-белыя знічы.

Далей шэсце рушыла да Замкавай Гары, дзе меркавана пахаваны Кастусь Каліноўскі.

Напрыканцы Дня Памяці кіраўнік “Беларускай Нацыянальнай Памяці” Анатоль Міхнавец заклікаў усіх ушаноўваць памяць Кастуся Каліноўскага ўсімі даступнымі мерам.

Адзначым, што арганізатарам мерапрыемства выступіла ініцыятыва “Беларуская Нацыянальная Памяць”.

Нагадаем, што 22 сакавіка 1864 года расійскія ўлады забілі ў Вільні кіраўніка нацыянальна-вызвольнага паўстання ў Беларусі і Літве Кастуся Каліноўскага. Ад 2010 года ў былой сталіцы ВКЛ ладзіцца Дзень памяці Каліноўскага.